Դեկտեմբերի 1-ին Գորիսի պետական քոլեջ էին այցելել Actions Santé Femmes  (Հանուն կանանց առողջության) ասոցիացիայի մանկաբարձ-գինեկոլոգ Սանդրին Լոբելը եւ մանկաբարձուհի Ստեֆանի Էսմանը, ովքեր «Քույրական գործ» մասնագիտության ուսանողների համար իրականացրին ինտերակտիվ դաս:

Թեմայի նպատակն էր ուսանողների մոտ ձևավորել հղիության ընթացքում ֆիզիոլոգիական փոփոխությունների, հիմնական բնորոշումների, ծննդաբերության ընթացքի մասին գիտելիքներ և դրանք գործնականում կիրառելու հմտություններ:

Դասն ընթացավ ուսանողների ակտիվ հարցադրումներով:

Քոլեջի «Բնագիտական առարկաների և բժշկական մասնագիտությունների» ամբիոնի վարիչ՝ Լիաննա Գևորգյանի առաջարկությամբ, բանախոսները անդրադարձ կատարեցին նաեւ ՄԻԱՎ/ՁԻԱՀ-ի համաճարակի պայքարին միտված իրողություններին:

Գորիսի պետական քոլեջը շնորհակալություն է հայտնում բանախոսներին հետաքրքիր  դաս-քննարկում անցկացնելու, ինչպես  և Լիլիա Շալունցին՝ արհեստավարժ թարգմանության համար: