Այսօր քոլեջի երգ-երաժշտության դասախոս Լյուդմիլա Բադալյանը կազմակերպել էր բաց դաս՝ «Նախադպրոցական կրթություն» մասնագիտության 2-րդ կուրսի  ուսանողների մասնակցությամբ: Դասը հայրենասիրական երգերի եւ նրանց ազդեցության մասին էր:

Ապագա դաստիարակները համոզված են,  որ ժամանակի  մարտահրավերներին դիմակայելու համար նախեւառաջ պետք է կրթել հայրենասեր սերունդներ: Իսկ երեխաների մոտ  սերը առ հայրենիք ձեւավորվում է  նաեւ հայրենասիրական եւ ազգային երգերի միջոցով:

Դասախոս Լ. Բադալյանը նշեց, որ հայրենասիրական, հատկապես՝ ռազմի երգերը,  Հայասատանի  համար օրհասական պահերին ոգեշնչել եւ մեծ ուժ են տվել մեր զինվորներին: Եվ այսօր, առավել քան երբեւ հայրենասիրական երգերը պետք է լինեն  մեր երիտասարդների շուրթերին:

Ուսանողները կատարեցին «Մեր հայրենք», «Գետաշեն», «Մարտիկի երգը», «Պատերազմ ենք գնում» եւ այլ հայրենասիրական երգեր, որոնք ունկնդիրներին մերթ հուզմունք պատճառեցին, մերթ ուրախություն եւ մերթ հավատ՝  ունենալու հզոր եւ արժանապատիվ հայրենիք: