Գրադարանավարուհի Մերի Ավետիսյանի նախաձեռնությամբ քոլեջի ուսանողները հանդիպում ունեցան Հայաստանի գրողների միության Սյունիքի բաժանմունքի նախագահ  Լեւոն Սահակյանի հետ։

Հանդիպմանը ներկա էին նաեւ գրողների միության անդամներ՝ Ակսել Բակունցի տուն-թանգարանի տնօրեն Վարդան Սարգսյանը, Վարուժան Գալստյանը։

Այցի նպատակն էր ծանոթանալ նրանց ստեղծագործություններին  եւ ընդհանրապես հայ գրական կյանքի ներկա ընթացքին։   

Գրողները պատմեցին իրենց ստեղծագործական ուղու մասին, ընթերցեցին հեղինակային  բանաստեղծություններ, ինչպես եւ պատասխանեցին ուսանողներին հետաքրքրող հարցերին։

Ավարտին՝ Լեւոն Սահակյանը Գորիսի պետական քոլեջին նվիրեց իր «Իրիկնամուտ» բանաստեղծությունների, պոեմների   շարքը եւ «Արժեւորումներ» բանաստեղծությունների ընտրանին: