Առուշ Առուշանյան

Գորիսի համայնքի ղեկավար

Հարգելի հայրենակիցներ                             

Գորիսի մանկավարժական քոլեջի հիմնադրման 100-ամյակը նշանակալի իրադարձություն է մեր համայնքի և ողջ տարածաշրջանի կրթական կյանքում: Այդ հաստատությունը դարձել է կրթության և գիտելիքի կարևոր օջախ, որի ռազմավարական նշանակությունը տարածաշրջանի զարգացման համար անժխտելի է: Քոլեջի առանցքային առաքելությունը՝ տեղում որակյալ մասնագետներ պատրաստելը, եղել և մնում է համայնքի կայուն զարգացման հիմնաքարերից մեկը: Տեղական կադրերի պատրաստումը և նրանց համայնքում պահելն ունի հիմնարար նշանակություն: Այս մոտեցումը նպաստում է մարդկային ռեսուրսների պահպանմանն ու զարգացմանը, ապահովում է համայնքի կարիքներին համապատասխան մասնագետների առկայությունը և նվազեցնում արտագաղթը: Քոլեջի շրջանավարտները տարիների ընթացքում համալրել են համայնքի կրթական, առողջապահական և այլ կարևոր ոլորտների աշխատակազմը: Նրանք ոչ միայն որակյալ մասնագետներ են: Գորիսի մանկավարժական քոլեջի հարյուրամյա գործունեությունը վկայում է, որ կրթական հաստատությունը կարող է դառնալ տարածաշրջանային զարգացման շարժիչ ուժ: Այս հոբելյանը ոչ միայն անցյալի ձեռքբերումների գնահատում է, այլև ապագայի մարտահրավերներին դիմակայելու հանձնառության վերահաստատում: Գորիսի մանկավարժական քոլեջը պետք է շարունակի իր գործունեությունը՝ կրթելով նոր սերունդներին, ամրապնդելով համայնքը և նպաստելով երկրի զարգացմանը: Հաջորդ հարյուրամյակում ևս քոլեջը պետք է պահպանի իր կենսական դերը տարածաշրջանի զարգացման գործում:

Այս նշանակալի տոնի առթիվ ջերմորեն շնորհավորում եմ քոլեջի տնօրինությանը, ողջ կոլեկտիվին և ուսանողներին: Հատկապես ցանկանում եմ ընդգծել, որ այսօր քոլեջը գտնվում է ապահով ձեռքերում: Տնօրեն Կարեն Լազարյանի ավանդը քոլեջի զարգացման գործում նկատելի է և գնահատելի: Նրա ջանքերի շնորհիվ քոլեջը շարունակում է պահպանել իր բարձր որակը և հարմարվել ժամանակակից պահանջներին: Մաղթում եմ նորանոր հաջողություններ և ձեռքբերումներ Գորիսի մանկավարժական քոլեջին: