Շնորհավորանքներ Գորիսի պետական քոլեջի 100-ամյակի առթիվ
Սիրելի սյունեցիներ
Շնորհավորում եմ բոլորիս՝ Գորիսի պետական քոլեջի հիմնադրման 100-ամյակի կապակցությամբ:
Քոլեջի այս մեկդարյա ճանապարհն ունի հարուստ կրթական պատմություն, որի շնորհիվ այն յուրօրինակ նշանակություն ունի ոչ միայն Սյունիքի, այլև ողջ Հայաստանի կրթական ու մշակութային միջավայրում: Տարիների փորձությունները և ժամանակի մարտահրավերները չեն փոխել կրթօջախի դիմագիծը՝ պահպանելով պետության համար կարևոր նշանակություն ունեցող յուրահատուկ մասնագիտությունների հարուստ ավանդույթները և առանձնահատկությունները: Այստեղ կարևոր եմ համարում առանձնացնել Կառավարության կողմից կրթաթոշակներ սահմանված երկու մասնագիտությունները՝ «Ատաղձագործական, մանրահատակագործական, ապակեգործական աշխատանքներ» և «Մետաղների մշակման տեխնոլոգիա, համապատասխանաբար «հյուսն» և «դարբին» որակավորմամբ»: Պահպանելով լավագույն ավանդույթները՝ մենք դառնում ենք պատմության մի մասը: Այս ավանդույթներն անգին են և գանձ են մեր մշակույթի համար:
Գորիսի պետական քոլեջի հարգելի անձնակազմ, մաղթում եմ ուժ, կորով և ստեղծագործական մեծ առաջընթաց:
Ամուր եղեք, ստեղծագործեք, կրթեք և ծաղկեցրեք մեր տարածաշրջանը: Դուք մեծ առաքելություն ունեք, քանի որ մեր և գալիք սերունդների սպասումները շատ են:
Դավիթ Դանիելյան
ՀՀ ԱԺ պատգամավոր