Այսօր՝ հուլիսի 11-ին, «Ucom» ընկերության գլխավոր տնօրեն Ռալֆ Յիրիկյանն այցելել է Գորիս քաղաքի «Ucom»-ի գրասենյակ:

Հարցին, թե ի՞նչ հետաքրքիր ծրագրեր է առաջարկում ընկերությունը գորիսեցիներին՝ Ռալֆ Յիրիկյանն ասաց՝ «Ucom»-ն ուզում է հատկապես Գորիսից հայտարարել, որ արդեն ունի նոր ֆիքսված ինտերնետ  ցանց եւ զուգահեռ՝ արդիականացրել  է իր շարժական  ցանցը:

Ընկերության գլխավոր տնօրենը միեւնույն ժամանակ նշեց՝ Գորիսի բնակիչներն  ունեն հնարավորություն՝ միավորելու ֆիքսված ու շարժական ցանցի ծառայությունները  մեկ փաթեթում՝ կվճարեն  մինչեւ  45 տոկոս  ավելի քիչ գումար,  քան այդ ծառայություններին առանձին-առանձին բաժանորդագրվելու դեպքում: Այդպիսով  քաղաքացիներն իրենց գումարը խնայողաբար կօգտագործեն եւ կօգտվեն նոր տեխնոլոգիաներից:

Այցի ընթացքում  Ռալֆ Յիրիկյանն ընդառաջեց Գորիսի պետական քոլեջի տնօրեն Կարեն Լազարյանի առաջարկ-խնդրանքին՝ 1 տարի ժամանակով ուսումնական հաստատությունը ապահովել անվճար ինտերնետային բարձրորակ կապով:

Գորիսի պետական քոլեջի աշխատակազմը՝ ի դեմս տնօրեն Կարեն Լազարյանի, շնորհակալություն է հայտնում Ռալֆ Յիրիկյանին՝ խնդրանքը չմերժելու համար: