Մայիսի 9-ի նախօրեին «Հաշվողական տեխնիկայի եւ ավտոմատացված համակարգերի ծրագրային ապահովում» մասնագիտության ուսանողները կուրսղեկ Մարի Մինասյանի նախաձեռնությամբ դիտեցին «Հարսանիք լեռներում» վավերագրական ֆիլմը:

Դիտումը տեղի ունեցավ Հրանտ Բաղդագյուլյանի արվեստանոցում: Կինոդիտումը միտված էր ուսանողներին ներկայացնել նորանկախ Հայաստանի պատմության  փառավոր եւ բեկումնային էջերից մեկին՝ հրաշագեղ Շուշիի ազատագրմանը :

Քննարկման ընթացքում խոսեցին նաեւ ռազմագործողության հրամանատարների խիզախության եւ արիության մասին: 

Ուսանողները իրենց համոզմունքն արտահայտեցին առ այն , որ Սուրբ Ղազանչեցոց եկեղեցու գմբեթին անպայման ծածանվելու է հայոց հաղթական եռագույնը եւ հարսանիք լեռներում կրկին լինելու է:

Կինոդիտման ավարտին ուսանողները ծաղկեդրում կատարեցին  Հայրենական մեծ պատերազմում եւ Արցախյան հերոսամարտերում զոհված հայորդիների հուշակոթողներին եւ Պանթեոնում: